Limmel Maastricht

Luij, Vastelaovend steit weer veur de deur. Mér gelökkig höbbe veer miejer tied gehad daan veurig jaor um alles te ranzjeere. Same mèt e aontal gondeliers weurt veur de 38^e kier de groete oonbekinde oppe zoondag 25 jannewarie nao d’n Hoftempel ’t Kapl. Lochmanhoes gebrach.

‘T Lochmanhoes dat dit jaor weurt umgetoverd in ‘nne Venetiaanse tempel, wat zeker de meujte weerd is um te koume bekieke. Mèr ’t allerbelangriekste is dat vaanaof 19.11 oor de nuij Hoeglöstigheid vaan Lummel en Nazareth bekind zal zien. Ouch zal deen aovend o.a. de daan nog keersveerse Stadsprins met zien Tempeleers acte de present geve en zien ierste bezeuk aoflègke.

Vaanoaf haaf zeve zalle de Braniemeekers same met C.V. De Kluivers en de Zaaten Ingel de groete oonbekinde goon ophoole en häöm nao ziene Tempel bringe boe heer – en lèt op!! – um 19.11 oor bekind gemaak zal weure aon ’t vólk vaan Lummel en Nazareth en wiet dao boete! Veur de meziek en sfeer geit ’t alum bekinde orkes The Melodies zörrege!

De zaol geit um 18.00 oor ope en de antree is gratis

Wee zit oonder   dees möts?