Wee weurt de nuije Hoeglöstigheid vaan Lummel en Nazareth bij de Braniemeekers?
themuut | 7 januari 2010
Wee zit oonder dit Maske ?
Luij, Vastelaovend steit weer veur de deur. Mér gelökkig höbbe veer genog tied gehad um alles te ranzjeere. Same mèt e aontal Stadsingele weurt veur de 39e kier de groete oonbekinde oppe zondag 17 jannewari naor de Hoftempel ’t Kapl. Lochmanhoes gebrach. ’T Lochmanhoes dat dit jaor weurt umgetoverd in ‘nne Ingele tempel, wat zeker de meujte weerd is um te koume bekieke. Uzze stadsingel door de jaore heen! Mèr ’t allerbelangriekste is dat vaanaof 19.11 oor de nuije Hoeglöstigheid vaan Lummel en Nazareth bekind zal zien. Ouch zal op deen aovend o.a. de daan nog keersveerse Stadsprins met zien Tempeleers acte de present geve en zien ierste bezeuk aoflègke.
Vaanoaf haaf zeve zalle de Braniemeekers same met C.V. De Kluivers en de Zaaten Ingel de groete oonbekinde goon ophoole en häöm nao ziene Tempel bringe boe heer – en lèt op!!! – um 19.11 oor bekind gemaak zal weure aon ’t vólk vaan Lummel en Nazareth en wiet dao boete! Veur de meziek en sfeer geit ’t alum bekinde orkes The Melodies zörrege!
De zaol geit um 18.00 oor ope en de antree is gratis.