Wee weurt de 40e Hoeglöstigheid vaan Lummel en Nazareth?
themuut | 4 februari 2011
Luij, Vastelaovend steit weer veur de deur. Mér gelökkig höbbe veer genog tied gehad um alles te ranzjeere. Same mèt e aontal Duvelinne weurt veur de 40e kier de groete oonbekinde oppe zoondag 6 fibberwari naor de Hoftempel ’t Kapl. Lochmanhoes gebrach. ’T Lochmanhoes dat dit jaor weurt umgetoverd in ‘nne Duvelsechtege tempel, wat zeker de meujte weerd is um te koume bekieke. Mèr ’t allerbelangriekste is dat vaanaof 20.11 oor de nuije Hoeglöstigheid vaan Lummel en Nazareth bekind zal zien. Ouch zal op deen aovend o.a. de daan nog keersveerse Stadsprins met zien Tempeleers acte de present geve en zien ierste bezeuk aoflègke.
Vaanoaf haaf ach zalle de Braniemeekers same met C.V. De Kluivers en Zaate Herremenie ‘T Kump de groete oonbekinde goon ophoole en häöm nao ziene Tempel bringe boe heer – en lèt op!!! – um 20.11 oor bekind gemaak zal weure aon ’t vólk vaan Lummel en Nazareth en wiet dao boete! Veur de meziek en sfeer geit ’t alum bekinde orkes The Spy zörrege!
De zaol geit um 19.00 oor ope en de antree is gratis
Wee zit oonder dit maske???