Vriedag 18 fibberwarie Awwieverbal Braniemeekers.
themuut | 17 februari 2011
18 fibberwarie – Braniemeekers Schlageraovend. Dit jaor goon de Braniemeekers op d’n Aw Wiever toer!
‘n väöl gehuurde klach waor dat op ‘nne feesaovend teväöl gewawweld woort door vereiniginge. Dao zien de Braniemeekers mèt aon de slaag gegaange en goon daorum ‘nne awwerwètse “ Aw Wieverbal” oraganiseere zoonder gewawwel vaan vereiniging. Puur fees en daan ouch nog mèt e spetterend orkes.
“Wir Sind SPITZE!”
hèt ’t oondertösse zier bekinde orkès omtrent accordeonist/toetsenist Paul Huijnen (Wurmtaler, Leff), trompetist/toetsenist Jos Gijzen (Belle Perez, Guido Dieteren), drummer Eric Heijnen (Schintaler), gitarist Maurice Horsmans (Mannheim, Anderkovver) en zanger/saxofonist/klarinettist Peter Ummels (Outside, Valsj Plat).
Dees muzikante höbbe hun han inein geslage en gaon same es “Die Neue Alpen-Spatzen-Buben-Rocker-Schlager-Freunde & Oberkainer-Pop-Rebellen-Kapelle” ‘n nuij muzikaole oetdaging aon. Es ‘nne wervelwind euverdondere zie ‘t publiek mèt “Die Populairste Polka’s, de Schönsten Schlager, de Rassigste Rocker und die Blödesten Ballermann-Hits”. Voog heij nog ‘n Nederlands- en Limburgstalig oetstèpke aon tow en de eigenaordige mix vaan “Wir Sind SPITZE!” is e feit. Door de professionele muzikaole achtergronde vaan dees 5 rasmuzikante gief n’ne aovend mèt “Die Gebrüder Spitze!” 100% feesgeransie! www.wirsindspitze.nl
Zoees geer kint leze belaof dit väöl feesvräög. Prins Bert I en zien Braniemeekers zien uuch daan ouch gere op vriedag 18 fibberwari in Kap. Lochtmanhoes in Lummel. Dat maag geer neet misse! D’n antree is gratis en de zaol geit um 19.00 oor ope!