Programma Braniemeekerkes: 1.Carnevalsmiddag en 2. Hoegste Oondersjeijing.
themuut | 30 januari 2013
1. Zoondag 3 fibberwarie 2013 weurt door CV De Braniemeekerkes `nne gezèllige carnevalsmiddag georganiseerd in ’t Keplaon Lochtmanhoes in Lummel.
Prins Sem 1e en zien Prinses Danique 1e van de Braniemeekerkes zalle vaanaof 14:00 oor de middag opene.
De stadsprins, Prins Oscar 1e, zal same mèt zien Tempeleers e bezeuk koume bringe aon de kinder vaan Lummel en Nazareth.
ouch zal deze middag de traditionele 2. “Hoegste Oondersjeijing” uitgereik weure aon iemes dee ziech mie es gemiddeld heet ingezat veur de belange vaan de inwoeners vaan Lummel en Nazareth.
De middag weurt opgeluusterd door DJ Lange Ron.
Versjèllende vereiniginge zalle mèt hunne Jäögraod present zien in Lummel.