Prins Silvain I regeert in 2014 euver ‘t Braniemeekersriek. ( Noe mèt foto-ripportaasj )
themuut | 4 februari 2014
Zoondagaovend woort in e drök bezeuk Keplaon Lochtmanhoes Silvain Royen vaan de Populierweeg oetgerope tot Prins Silvain I vaan CV de Braniemeekers oet Lummel & Nazareth.
Daoveur waors de toen nog groete oonbekinde in ‘nne cortège door de straote vaan Lummel getrokke, veuraofgegaange door oonder mie CV de Keemeleers, CV de Kluivers en Famfaar Juliana/St.Martinus.
Klik op ziene foto veur ’n vergroette weergaaf.
In ’t Keplaon Lochtmanhoes voond zie demasqué plaots en koos ’t volk van Lummel & Nazareth kinnis make mèt hunne nuije Prins.
Silvain Royen zal regere oonder de naome Vollierd-Voetbaltechnicus, Otofanaticus, Organisatoricus. Prins Silvain 1e is getrouwd met Angel Raadschilders en same höbbe zie ‘nne zoon, Justin vaan 2½ jaor aajt. Ze woene same aon de Populierweeg 108, boe Angel häör eige kapsalon “Angel’s-Hairstyle” runt.
De Tempeleers mèt hunne keersveers oetgerope Stadsprins Henri 1e höbbe dizzen aovend hun 1e officiële bezeuk aofgelag aon Lummel.
Nao zien oetrope woort e gezèllig feeske gebouwd oonder de muzikaal toene vaan orkes “The Mellodies”.
Klik op de foto veur ’n vergroette weergaaf:
Klik op ’t pleetsje hei-oonder um zien CV te bekieke:
Klik op ’t pleetsje um zien Proclamasie te bekieke:
Bekiek hei-oonder ‘nne fotoshow vaan zie oetrope
( Klik op 720 HD en fulscreen):