Prins Jesley en Prinses Jennifer regere in 2009 euver ’t Braniemeekerkes Riek.
themuut | 9 februari 2009
Gistere woort in ‘nne bomvolle Hoftempel bekind, wee in 2009 euver ’t Braniemeekerkesriek geit regere.
Naotot zie in in ‘nne kleine optoch door Lummel waore getrokke en in hunne Hoftempel ’t Lochmanhoes waore gearriveerd, kaome vaan oonder hun maskes Prins Jesley en eve later Prinses Jennifer nao väöre:
Zoondag 8 fibberwari is in ’t bomvolle Lochmanhoes ’t nuij jäögprinse -paar vaan Lummel oetgerope. Nao ‘nne korte cortége waor de ier aon Prins Petro I vaan de Braniemeekers um de demasque oet te veure. En dao stoonte zie daan Prins Jesley I en Prinses Jennifer, naodat zie hun protocol hadde aofgewèrk kos de jäög vastelaovend vaan Lummel beginne!
Prins Jesley I hèt mèt zien achternaom Vossen. Heer woent same mèt zien zusterke Naomi en zien mam en pap oppe Nebostraot 6 in Lummel. Heer zit in grôp 6 vaan de basisjaol ‘T Ingelse Hoof in Laoneke. Ziene groete vrund is de hoond Boka. Zien hobbies zien; voetballe beij Sjaan en heer is fanetiek supporter vaan Feyenoord. Daoneve deit heer ouch nog aon bokse en Muy Tai. Oets welt heer zjus wie ziene noonk Roy ‘nne echte Braniemeeker weure! Heer zal ’t Braniemeekerkesriek goon regeere oonder de naome:
Prins Voetbaltechnicus, Sjampionfanaticus Jesley I
Prinses Jennifer hèt mèt häöre achternaom van Wissem. Ouch zie heet e zusterke mèt de naom Cheyenna en woene same mèt häör mam en pap oppe Balijeweeg 58 in Lummel. Daobeij heet zie ouch dreij hun Maikey, Angelen Buddy. Zie zit in grôp 4 vaan de basissjaol ‘T Spoor in Lummel beij juf Marloes. Zie zwump wie ‘nne vès in ’t water en heet daan ouch al dreij zwumdiploma’s. Zie deit geer speule op häöre Wii, boete speule, ze wawwelt gere en zie maak ziech zellevers gere op en deit daan of zie de prinses is.
Fillemke Optoch veur ’t Oetrope: