Prins Bert Ie regeert in 2011 euver ’t Braniemeekersriek.(Mèt fillemke)
themuut | 14 februari 2011
In de Braniemeeker hoftempel woort zoondagaovend Prins Bert Ie ( Bert Krapels ) oetgerope tot d’n nuije Hoeglöstigheid vaan Lummel en Nazareth. ( Klik op ziene foto um häöm in ’t groet te bewundere )
Hei-oonder stèlle zien Braniemeekrs häöm aon uuch veur en kint geer ouch zien Proklamasie inzien. Weijer is ’n fotoreportaasj vaan zien oetrope en ’t bezeuk vaan StadsPrins Maurice Ie te bekieke zoewel in diashow es mèt fillembeelde:
CV De Braniemeekers (www.braniemeekers.nl)
Mage veer uuch veurstèlle aon de nuije Hoeglöstigheid vaan de Braniemeekers dee euver ’t riek vaan Lummel en Nazareth zal goon regere,
PRINS BERT 1e
Muzicanticus, Voetbaltechnicus, Machiniscus
In de Börgelikkestand vaan Mestreech steit Heer ingesjreve es,
Hubertus – François – Anna Krapels.
Zien ierste leevesleech zaog Heer op 15-12-1963 oppe greuneweeg 38 ( noe Sionsweeg ) te Lummel Mestreech. D’n Hoeglöstigheid heet nogal op gèt plaotse in Lummel gehojz. Heer is via de Askalonstraot en de Populierweeg goon hojze op de Carmelstraat 13. Heer is de zoon vaan Lies en Sander Krapels en keump oet e gezin vaan 4 kinder, Heer heet naomelik nog 3 zusters.
Zèlf heet Heer twie dochters; Priscilla ( 16 jaor ) en Ashley ( 10 jaor ) en Zien vrundin Gonni heet ein dochter; Demi ( 15 jaor ).
Ziene sjaoltied is Heer begonne beij Juf. Hameleers op de kaksjaol. Toen zat Heer ziene liergaank veurt oppe St. Ludwinasjaol in Lummel. Nao de lieger sjaol begos Heer aon ’n opleiding op ’t St. Maartenscollege en naor twie jaor besloot Heer euver ‘t stappe naor Mavo Geusselt. Nao ’t behoole vaan zien diploma heet heer nog bouwkunde op de MTS gedoon. Dees opleiing doorleep Heer glansriek en sloot Heer aof met ’n diploom.
Nao de MTS moos heer in 1985 ’t leger in. Es deenspliechtig militair heet Heer ziene tied kinne doorbringe es muzikant beij ’t Famfaarkorps vaan de Genie. Heibeij waore zien hoegtepunte de konzèrreise naor Noorwege en Fraankriek.
Nao dee sjoene tied is heer 1 juni 1986 begonne mèt wèrke beij de VBF buize. Neet lang, want vaanaof 17 november in dat jaor is heer begonne beij NS reizigers es machinis, en dat deit heer noe nog steeds.
Ziene groetste hobbie is voetballe. Dat heet heer 5 jaor gedoon beij Standaard en vaanaof 1975 beij RKVCL. Heer is nog steeds actief aon t voetballe en heet de funcsie wedstreidsikkretaris. Es echte vereinigingsmaan heet heer diverse wèrkzaomhede binne de club oetgeveurd; terreinknech, lotto ophole, cóntributie ophole, de “Voltreffer” roondbringe en rinnovatie vaan de Hoeve. Zien sportieve hoegtepunte waore de diverse kampioensjappe beij versjellende elftalle. Deeptepunt waor zien gebroke kuutbein in 1992.
Sinds 1973 is Heer ouch lid vaan Famfaar Zjuliana. Iers heet Heer op de heure gespäölt en noe späölt heer op de bas. Binne de Famfaar is heer in 1982 ouch lid vaan de Kaanjeleers gewoore boebeij heer ouch prins is geweest. Ziene groetste droum waor oets nog ‘ns Prins te weure vaan die Braniemeekers vaan Lummel en Nazareth en dee wins is beij noe oet gekoume.
Gegeven 6 fibberwarie 2011 door de Kanselereijraod
Klik hei-oonder op ’t pleetsje um zien Proklamasie te leze:
Hei-oonder ’n fotoreportaasj Vaan Hoffotograaf Math Thomissen en e paar vaan de redactäör.
( oonderaon de diashow kint geer klikke veur ’n vergroete weergave! )
Vind meer foto’s zoals deze op Mtricht.com – Maastricht Region Network