Prins Bas I, Zjubeleij (5×11 jaor) Prins vaan de Kaanjeleers.
themuut | 25 januari 2010
Zoondag 24 jannewarie woort in ’t Keplaon Lochtmanhoes de Zjubeleij Hoeglöstigheid vaan de Kaanjeleers vaan Famfaar Juliana bekind gemaak: Prins Bas I
In ’t dageliks leve beter bekind es Bas Gärtener. Hei-oonder kint geer ’t Peersberiech vaan de Kaanjeleers en ‘nne diashow vaan zien oetrope bekieke.
PEERSBERIECH KAANJELEERS 2010
CV De Kaanjeleers vaan Famfaar Juliana, oet Lummel
Oonder groete belangstelling is op zoondag 24 jannewari 2010 Prins Bas d’n 1e es 55e hoeglöstigheid vaan c.v. de Kaanjeleers vaan Famfaar Juliana oet Lummel oetgeroope. Ziene börger naom is Bas Gärtener. Heer is 20 jaor en geboore op 8 november 1989 in de Hertog van Brabantlaan in Borghare.
Heer woent nog toes mèr heet wel ’n vriendin Stephanie Bex die in Heugem woent.
Zien prinselik pelies steit aon de Karposthegge 47 in Amie – Mestreech
Binne eus Famfaar Juliana is heer al 13 jaor muzikant beij ‘t orkès en speult heer noe ierste Bugel . Ouch is heer lid vaan de zjubeleij kemissie die aktiviteite organiseere veur ‘t 100 jaorig bestoon dit jaor vaan eus Famfaar.
Zien hobbies zien skieje, speule in de famfaar, ’t ski demoteam Snow World vaan Landgraaf, c.v. de Braniemeekers, nao de bioscoop goon en Wii’en en sinds kort ouch oontwerpe. Zoe heet heer de zjubeleij Medaille oontworpe, de affiches gemaak, ’t zjubbeleij logo oontworpe, de presentatie vaan de sponsors gemaak en nog ‘nne houp aander dinger. Heij waors heer al mèt bezig veurtot heer wis dat heer gevraog zow weurde es zjubeleij Prins. Vreuger is heer lid gewees vaan RKVCL en ‘t Jäögkoer Joonk Sjaan
’t Vastenaovends virus heet heum al zier vreug besmèt. Op 5 jaorige leeftied woort hier op de biljart vaan café aon de maos in Borghaare oetgeroope es Prinske vaan de zaate herremenie de Zaate Ingel. Ouch is heer 7 jaor lid gewees vaan de Jäögraod vaan c.v. de Braniemeekerkes boe heer in 1999 Jäögprins is gewees. Noe is heer al 4 jaor lid vaan c.v. de Braniemeekers.
Nao zien opleijing aon de VMBO-TL aon ’t Porta Mosana Collége deit heer noe ’t letste jaor toerisme MBO nivo 4 boe heer nog e haaf jaor stage veur moot loupe.
Dao nao wèlt heer toch weijer noa ’n HBO opleijing in de reichting “Grafisch oontwèrpe”. Ouch heet heer de diploma’s um es ski-lieraar te wèrreke in Oostenriek. Ouch wèrrek heer op zaoterdag en in de sjaol vekansie es ski-lieraar beij Snow World in Landgraaf.
Heer heet ‘nne hekel aon luij die wie ste dat zoe zegs “gein normen en waardes höbbe” en die hufterig doen.
Wat heer ech leuk vind is op wintersport goon en gezellig skieje en en zier zeker ouch de Après-ski. Ouch liek ’t heum geweldig um e haaf jaor op stage te goon in Curaçao mèr heer moot nog e pläötske vinde.
’t lekkerste ete vind heer Pasta oet de ove en ’t vieste um te ete eigelik niks. Heer vind alles lekker
Zien gooi eigesjappe volgens zien vriendin zien: Leef, behölpzaom en grappig. ’n Gèt minder gooij eigesjap is tot wat heer in ziene kop heet, heer neet in zien koont heet. Heer is som eigewies en ouch moot heer dèkser nog eve dit en nog eve dat doen.
Heer zal regeere euver ’t Kaanjelriek vaan Famfaar Juliana onder de zwoer gekose titulair benumminge
Muziekalikös * Touristikös * Ski-Fanatikös
es zienne’n Hoeglöstigheid :
Prins Bas d’n 1e
