Zaoterdag 10 jannewarie 2015 zal de nuije Zjubbileijprins vaan CV De Braniemeekers weure oetgerope. De Carnevalsvereiniging vaan Lummel en Nazareth besteit dit jaor alweer 4 x 11 jaor.
‘T is de bedoeling dat versjèllende vereiniginge en muziekgezelsjappe same mèt CV de Braniemeekers de Zjubbileijprins inhole in ‘nne cortège door de straote vaan Nazareth en Lummel.
Dee cortège zal zoe roond 13:33 oor starte vaanaof ’t Buurtcentrum aon ’t Miradorplein in Nazareth en zal eindige op ’t plein veur ’t Keplaon Lochtmanhoes in Lummel.
Um 15:11 oor zal de groete oonbekinde oonder ’t maske vendan koume. Aonsletend aon zie dèmasque is d’r gelegenheid tot felicitere.
Vaonaof 20:00 oor weurt ‘nne gezèllige fiesaovend gehawwe ter iere vaan euze Zjubbileijprins. Deze zal plaots vinde in ’t Keplaon Lochtmanhoes.
D’n entree is gratis en d’n aovend weurt muzikaal opgeluusterd door Coverband “Take Two”.
Mestreech,
Paul Gerrits & Marcel Coolen
PR Kemissie