Mestreechter Mès: Veur eederein daor zien in de gemeinsjap.
themuut | 15 februari 2009
Zoondag 15 fibberwarie 2009 voont de jaorlikse Mesteechter Mès plaots in de parochie Kèrrek vaan St Jaan d’n Duiper in Lummel.
Braniemeekers, Braniemeekerkes en de Kakpepers waore in vol ornaat aonwezig bij dees Mestreechter Mès. Zie woort door Pestoer Backus deils in zien eigeste sjoen Vinloos dialek veurgegaange en waor veur de res in ’t Mestreechs, ouch de zaank. Prins Petro I, Prins Jesley en Prinses Jennifer droge eeder hun steinsje bij. Kèrrekkoer en Famfaar Juliana luusterde ein en aander muzikaal op.
Gelökkig hadde väöl luij ziech dizze zoondagmörrige vreug de meujte genome um de prachtige Mès bij te woene. “Veur eederein daor zien in de gemeinsjap”, waor ’t motto, dat in de Mès en de preek aon de orde kaom en ouch in ’t indrökwèkkend daankwoord vaan Prins Petro I ’n hoofrol späölde.
Nao aofloup woort stèl gestande bij de lede, die de Braniemeekers in de loup der jaore oontvalle zien. Vastelaovend, oprech e fies vaan plezeer mèr ouch vaan ’n traon.
De redaksie hoop dees Mès nog tot in lengte vaan jaore bij te mage woene!
