Lummel gruuts op winnaars Vastelaovendsleedsje 2011.
themuut | 10 november 2010
Aofgeloupe zoondag 7 november zien de winnaars bekind gewore vaan ’t Vastelaovesleedsje 2011 vaan Groet Mestreech: Jos Kuijpers en Roel Kochen mèt hun leedsje “De leefs mer eine kier!“.
De leedsjes-sjrievers zien zeker gein oonbekinde veur de inwoeners en ’t vereiningingsleve vaan Lummel. Es aajt-inwoeners höbbe zie op alle froonte hun spore verdeend in ’t Lummels vereinigingsleve! Neet in de lètste plaots mèt hun jaorelaank getrompötter in herremenie “De Zaaten Ingel”.
In de Vastelaovendstied make zie mèt hunne twieë ’t motto vaan hun leedsje al jaore oonvermeujbaar mie daan woer in groet Mestreech!
Hei-oonder kint geer d’n teks mèt hun motto bekieke en hun leedjse beluustere.
De leefs mer eine kier!
Refrein:
Goej uuch mer de door, en loer neet op ’n oor
Want de leefs mer eine kier!
Dink noe neet allein, aon zörg en chagrijn
Wanr de leefs mer eine kier!
Want straks es ’t gedoon is is ’t euver en oet
Daan vèlt niks mie te speule op die trommel of die toet
Goej uuch mer de door, en loet neet op ’n oor
Want de leefs mer eine kier!
Couplèt:
Al biste nog zoe riek, al höbs ste cent wie water
Al biste nog zoe sjoen, daan wach mer ‘ns tot later!
Al biste ’t good geweend, bis diech e zoondagskeend
Kom bij miech in de lier, want de leefs mer eine kier!
teks: Roelof Kochen
meziek: Jos Kuijpers
Um hun leedjse te beluustere klik hei op: De leefs mer eine kier