Hoegste Oondersjeijing 2009 veur Vriendenkoor 1882.
themuut | 20 februari 2009
Op de jaorlikse Mestreechteraovend vaan de Braniemeekers woort ouch de Hoegste Oondersjeijing 2009 bekind gemaak. Zie waor veur ’t Vriendenkoor 1882, dat häör 125- jaorig bestoon oonder mie mèt ‘nne serie musical-oetvoeringe veur de gemeinsjap vaan Lummel/Nazareth heet opgeluusterd.
’t Waor begin september toen de Hoegste Oondersjeijings Kommissie veur d’n ierste kier biejein kaom. D’r woorte weer hiel gèt naome geneump, mèr de Kommissie kaom d’r neet oet. Nao ’n aontal vergaderinge te höbbe gehad, waor de Kommissie d’r nog steeds neet oet. “Jao”, zeet de eine, “veer kinne beter de hier Smeets vraoge of heer us heimèt kin hellepe”
“Jèh”, zeet d’n aandere, “kinste net zoe good aon de hier Frissen vraoge”
“Kom kom”, zeet de veurzitter, “veer mote dit zelf oplosse”.
“Jao”, zeet de eine, “boe moot dat nao tow?”
“Iech gaon naor Okarbe”, zag weer eine. “Weitste wat veer doen”, zeet de veurzitter, “iech gaon dit weekend toch naor Serrig bij Trier en es iech trök bin, koume veer nog ins biejein. Es dit mèr gein 125 jaor doort, want Huubke heet gezag tot veer hiel good mote luustere”
En weer kaome veer biejein en dit kier met unne nuije kiek drop. D’r woort weer van alles gerope.
“Zegk”, zeet de aandere, “wèt geer tot Rob gezag heet tot veer ‘nne echte vrundekliek zien”…………………………………………………………………….
Bèste luikes de Hoegste Oondersjeijing Kommissie heet beslote um in ’t jaor 2009 de Hoegste Oondersjeijing te geve aon ‘nne gróp.
Veer zien daan ouch vaan meining, dat 125 jaor bestoon neet niks is en dat dit wel beloend maag weure…………………………………………………
Maag iech daan ouch aon de lede vaan ’t Vriendenkoer 1882 vraoge um naor bove te koume.
Gegeve te Lummel 19 fibberwarie 2009
I.v.m. ’t euverleije vaan Sylvia Felix ( vrow vaan Penningmeister en koerlid Harold Felix), woort de Oondersjeijing nog neet door ’t koer in oontvaangs genómme. Dat zal op e later en beter gesjik tiedstip gebäöre.