Limmel Maastricht

Wee dach dat de Braniemeekers niks dege boete ’t vastelaovessesoen heet ’t mis. Zaoterdag 5 september höbbe zie ziech op ’n sportieve meneer laote zien toen zie deilnaome aon ’t ierste Vastelaoves-zaolvoetbaltoernooi.
In de sporthal vaan Daalhof/ Haozedans höbbe zie same mèt de Beerbieters, Kluivers, Mammoeters, Drommedarisse, Mosasaurussen en de Mineurs gevoetbald veurwat zie weerd waore. Nao ‘nne geweldige daag zaolvoetballe kwaome de Mammoeters ’t beste veur de daag zodat zie ouch de ierste cup in oontvaangs mochte numme. Dit höbbe dees vereiniginge neet zoemèr gedoon want de gaanse opbrinks vaan deen daag waor veur ’t Kinder Kankerfonds KiKa, die nao aofloup ‘nne check kraoge vaan € 511,11.

’N Zier geslaag evenemint wat zeker e vervolg maag kriege!