In dit weekend is weer vaan alles georganiseerd door de Braniemeekers. Ouch kint geer al alles leze euver de Mestreechter Aovend leze:
Op vriedag 13 fibberwari beginne um 19.15 oor de Braniemeekers met ’t ludieke carnavals kiene in hunne hoftempel ’t Kap. Lochtmanhoes. Vaanaof zes oor zalle veer uuch weer vaan harte welkom heite en uuch weer laote geneete vaan unne gezellige aovend vol plezeer en gèt awkloete en neet te vergete weer magnefieke preize . ‘T sprik veur ziech dat de preise ouch weer nao venant zien met e paar hiel ludieke debeij. In de pauze stoon d’r weer bruudjes veur uuch klaor en aon d’n doors is ouch gedach . Veer zalle de aovend starte um keteer nao zeve zoetot veer kleine pauzes kinne inlasse veur de roukers oonder us!
Zaoterdag 14 fibberwari vaanaof 18.00 oor kreig ederein de gelegeheid um de Hoeglöstigheid Prins Petro I te fillesitere mèt zien benumming tot Prins euver ’t riek vaan de Braniemeekers. Dees resepsie weurt muzikaol opgeluustert door herremenieke Vreug Zaat.
Zoondag 15 fibberwari beginne veer um 9.00 oor mèt us jaorlikse Mestreechter Més in de kèrk vaan St. Jaan d’n Duiper in Lummel. Same mèt Pestoer Backus, Famfaar Zjuliana en ’t kerrekkoer goon veer eve stèl stoon beij wat de vastelaovend nog miejer inhèlt. Nao dees mès zalle us zjubbelearisse Drè Kruijntjens 1 x11 jaor, Henk van Kruchten en Hennie Krüse 3 x 11 jaor, intern in ’t zönneke weure gezat. Smiddag vaanaof haaf twie is de tied dao dat de jäög weer vastelaovend kint viere. Saame mèt de Braniemeekerkes, Prins Petro I en zien Braniemeekers. Door DJ Ron Rossell weurt geer in de stumming gebrach.
———————————————————————————————————————-
Donderdag 19 fibberwarie oragniseere C.V. De Braniemeekrs hun traditionele Mestreechter Aovend mèt tal vaan topartieste. De antreekaarte aon €11 zien in de veurverkoup beij :
- Haddocks Populierweeg in Lummel en
- Hannie’s Winkelke Kest Schaloenstraot in Nazareth.
‘T Program vaan deen aovend zuut es volleg oet;
- Sjtierevechter >Buut ( Jantje Gerardts, Buutkampioen 2008)
- Braajt Zaajt >Zaank
- Mac Sôkkerstèk >Zaank
- De Chinees >Buut ( Huubke Janssen )
- Dou Oetgeslaope >Kolderiek/ Zaank
- Joie de Vivre >Zaank
- Duo X-Elle >Zaank
De Hofkapel vaan dizze aovend is de De Zaate Ingel